استخدام الحلاوه لإزالة شعر المنطقه الحساسه

ده موضوع مقتبس من مجربه...


ياصبايا مراحب ..
اول شي في بداية الموضوع حابه اقولكم ان هذا الموضوع جهد مني عن تجربه شخصيه ..
واتمنى أي عضوه تنقله نقل كامل ولا تغير فيه أ ي شي تكتب منقول للأمــانه ..

في البدايه حابه اتكلم عن موضوع مهم جدا .. مريت فيه انا شخصيا وسويت بحث اكثر واستفدت من الحاله اللي انا فيها وبصراحه انا اول مره اعرف عن هذا الموضوع وحبيت افيدكم لأني اتوقع مانذكر في المنتدى هالشي ولما سويت بحث في قوقل مالقيت مواضيع كثيره عن هالموضوع ..

سويت هالموضوع اول شي عشان افيد البنات المتزوجات والغير متزوجات ..
وثاني شي .. حبيت اللي يسوي بحث في قوقل يستفيد منه ان شاءالله ..

وياليت ياصبايا بعد ماتقرو الموضوع تعطوني دعوه منكم حلوه ..

بسم الله نبدا ..ماني عارفه كيف ابدا بالموضوع بس ان شاءالله توصل لكم الفكره اللي حابه اوصلها لكم ..

ياصبايا.. بذكر لكم التجربه اللي انا مريت فيها ..

يابنات انا بديت احف المنطقه الحساسه بآلة بروان هالشي من زمان انا اسويه ومره جربت الليزر ومره جربت نير ومره جربت بالملقط يعني جربت اشياء كثيره لكن بحكم ان زواجي قرب لكل نصحني باستخدام حلاوة الشيل ..
واستخدمت حلاوة الشيل وجات الصدمه الغريبه اللي ماكنت متوقعتها ..
طبعا الحمدلله شلت بالحلاوه وخلصت وحسيت ان المنطقه التهبت شوي عندي ..
بعدها بيومين حسيت حكه غريبه يابنات تخيلو لدرجة اني ماقدر انام ولدرجة اني اصحى من النوم عشان هذي الحكه !!
المهم ..
انا توقعته شي عادي ويروح .. حسيت ان الموضوع طول شوي والحكه بدت تزيد والنفسيه بدت تتعب قلت بفتح النت وبسوي بحث واشوف ايش اعراض الحاله اللي انا فيها
للأسف مالقيت كفايتي في النت بس لقيت كم من موضوع وحسيت ان الموضوع خطير فقررت اروح عند دكتوره ..

دخلت عند الدكتوره وشرحت لها حالتي .. وفحصتني واخذت مني بعض التحاليل وشوفو المفاجأه يابنات ..
قالت الحلاوه هي انظف شي استخدامي لليزر والنير وهذي الاشياء سبب لي التهابات وفطريات
ومع استخدامي للحلاوه هاجت الفطريات هذي والتهبت المنطقه اكثر ..
يعني سبب التهاباتي وفطرياتي هي النير والليزر وغيرها اللي كنت استخدمها ..
تخيلو يابنات المصيبه العظمى واللي بصراحه خوفني الدكتوره قالت الحمدلله ان الحكه خارجيه وانك لحقتي نفسك تقول انه في ناس تجيهم حكه داخليه وينزل دم وهذي اذا اهملت البنت الحكه الخارجيه ومازارت الدكتوره .. تخيلو لو تأخرت شوي وصارت حكتي داخليه وطنشت .. شوفو ايش النتايج .. (( اهمال الحكه في المنطقه الحساسه الداخليه )) يكون سبب من اسباب العقم

ابي اوضح ايش الحالات اللي ممكن تجي للبنت حكه في المنطقه الحساسه وكيف ممكن البنت تتعامل معاها هذي وضحتها لي الدكتوره..
1- بعض البنات اللي نظافتهم زايده جدا وموسوسين مثلي ويستخدمو غسول وصوابين ويكونو مره موسوسين تجيهم هذي الحكه .. يا بنات اللي عندها غسول تنصح الدكتوره باستخدام الغسول مرتين في الاسبوع فقط ..
2-بعض البنات تجيهم الحكه في المنطقه الحساسه بعد الدوره .. هذي اما لأن نوع ( الفوطه ) المستخدمه غير مناسب لبشرتها تنصح الدكتوره بتغيير نوع ( الفوطه) المستخدمه اذا ماصار تحسن تراجعي الدكتوره فورا
3 - بعض النساء المتزوجات تجيهم الحكه في بداية الحمل ووضحت الدكتوره ان هذا شي طبيعي نتيجة توسع الانسجه والعضلات وهذا شي طبيعي
4- بعض النساء المتزوجات تجيهم الحكه بعد الجماع .. وطبعا المزوجات يصرف لهم تحاميل مهبليه وغيرها ..

بنات نصيحه من اختكم كيفي عنيده ..
عندي كم نصيحه من القلب للقلب يابنات ويشهد الله اني ابي افيدكم واعطيكم هالمعلومات عشان ماتخافون اذا صرتو في نفس موقفي .. للأسف محد نوه للشي هذا وماعندنا خلفيه عن هذا الشي بس دام انا مريت فيه لازم افيدكم ولازم نصير واعيات في المواضيع الحساسه هذي ونعرف نتصرف ونشيل الحياء شوي عشان مصلحتنا في النهايه ..
اول شي احب انصحكم فيه ..
1- جربو تشيلون شعر المنطقه الحساسه بالحلاوه قبل الزواج بفتره جربو يابنات ياللي ماتزوجتو شيلو لأن في بنات يطلع لهم حبوب وفي بنات يطلع لهم دمامل وفي بنات تجيهم الحكه هذي مثل ماجاتني

2- اذا جات لكم هالحكه لاتتهاونو فيها روحو زورو الدكتوره في اقرب وقت ممكن

3 - اتمنى من كل قلب كل وحده تقرا الموضوع تنقله عشان تعم الفايده لجميع البنات ومايخافو اذا صار عندهم هالشي ..

4 - اتمنى تتقبلو الجرأه في طرحي بس حبيت افيدكم

5 - انا لسا في فترة علاج اتمنى منكم دعوه صادقه

في النهايه تحياتي للجمميع وان شاءالله اكون افدتكم وياليت نبحث اكثر في هذا الموضوع

مشكور اخوي

يسلمووو

يشرفني مروركم الاكثر من رائعـ ..

تسلم

تسلم اخوي تقبل مروري