أوكي يوم كانت مش أوكي ^*

بسم الله الرحمن الرحيم

هذي اول او ثاني مشاركة لي عندكم طبعا بعد موضوع الترحيب..

حبيت اشارك بقسم الضحك واللعب مع اني من محبي القسم النقاشي والنقاشات الجادة ..

صار لي مدة متزاعلة مع الضحك طفرت به فشل قشه وفارج بلا رجعه ..حبيت اذكر هالموقف للي مثل حالتي هاجرتهم الضحكة يمكن ترضى وترجع اذا سمعته..


والله من كثر مغامرات طفولتي ما اعرف اي مغامرة اذكرها ..بألف قريبا كتاب عنها..


اذكر مرة جدتي جابت صندوق خشبي كانت حاطتنه ف زاوية من زوايا غرفتها وما فتحته ابدا

انا واختي اللي اصغر عني كنا مشغولين باللعب >وانا من طبعي اذا انشغلت بشي افقد كل حواسي انسى العالم اللي حولي افكر بس في اللي اسويه

لكن هالمرة صوت فتح الصندوق وفضولي شوش علي ..حبيت اعرف "الكنز الدفين" ف الصندوق ..واخيرا كشف الستار عن ما بداخل الصندوق

انه

انه
"مكينة خياطة "
يعود الى العصور الحجرية

ههههههههههههههههههههههههههههه

جدتي قعدت تجربه وانا واختي فاتحين حلجنا نطالع كيف تستخدمه

وانا بالذات يلست اراقبها خطوة خطوة ..وين اتحط الابرة.. كيف تحرك العجلة ..كيف تزيت المكينة .....الخ
لاحظت على طرف المكينة اداة غريبة سالت جدتي عنها ..قالت لي هذي اللي نرفع بها الابرة علشان انحط الخيط بثقبها.. انا يلست اجربها ارفعها وانزلها والابرة ترتفع وتنزل ..وانا طاااااااااايرة من الفرح >>عبقرية زمانها

عقب شوي يت امي كانت تنادي جدتي و جدتي طلعت معاها ..

قبل لا تطلع قالت لي"...... لا تلعبي بمحرك الابرة اخاف اختج اتحط يدها وانتي تنزلي الابرة

على يدها..
و طلعت ..
ياليتها ما قالت هالجملة ..ياليتني ما سمعتها ..ياليت عقلي ما فكر بمغامرة جديدة

يدتي طلعت من هنا وانا مسكت اختي من هنا

تعالي حبيبتي >>تعالي يا فارة تجاربي

تعالي عندي لج لعبة يديدة والله بتستانسين

حطي يدج مكان الابرة بعدما ارفعها ..وعقب انا بنزل الابرة

اسمعوا الجملة الجاية عدل
لا تفوتكم !!

اذا ما تعورتي بجرب انا عقبج

و هذيج المسكينة الجارية الغالية المطيعة المخلصة هزت راسها بالايجاب

يلا نبدا التجربة >>


انا لله وانا اليه راجعون


صوت صريخ اختي وصل لسابع جار


وانا طرت عند جدتي " يدو يدو امونة كانت تلعب بمحرك الابرة ..ونزلتها على صبعها لحقي عليها">>ان كيدهن عظيم

امي وجدتي ساروا ركض لها رفعوا الابرة من على صبعها... ويوم هدت شوي بدووا يستجوبوها

"منو نزل الابرة على ايدج؟؟!!"

الفقيرة صدت علي بس ما نطقت بحرف >> تربيتي

طبعا امي ويدتي اذا حد استوى له شي بآخر الدنيا بقولوا اني انا السبب >>يعرفوني خبز اديهم

الله لا يراويكم الضرب اللي انضربته هذا من غير الحروب النفسية اللي شنت علي "بنخبر عليج ابوج" "لو البنية لا سمح الله ماتت كانت الشرطة بتسجنج واحنا ما كنا بندافع عنج " "لو ماتت البنية منو بيلعب معاج".....الخ>>عسب ما اعيدها
وانا يلست افكر لو ماتت الفارة من وين بييب غيرها ؟؟!!

تبت يومها توبة نصوحة ..وما عيشت اختي تجربة يديدة


واليوم الثاني


"نفس الموال"


يلست اسوي عليها تجارب ووصل صوتها اخر الدنيا كالعادة ..

لا حياة لمن تنادي
ههههههههههههههههههههههههههه

كانت الايام هذي احلى ايام العمر

اتمنى تكون عجبتكم مغامراتي
أوكي