ذبحت قلبي

خــلاص بعـت حــــبك وودعته ... وبعــــت كل الذكــــريات والهموم

وكل عرقٍ ينبـــــض بك قطعته ... منهو مثلك وشرواك مالي به لزوم

ماعاد لي بالهم اللــــي زرعته ... ولاعاد لي بحــــب أنا منه محروم

أبعـــد عني وخــــذ اللي دفعته ... أبعــــد وخـــــل عنك العتب واللوم

أبعــــد وخلني مع قـلبٍ ذبحته ... وأسقـــيته من المــر كاس مسموم

أسقيتني كاس الهم ٍوتجرعته ... وصـــرت عن الفرح بسبتك مفطوم

ذبحت قلبي أشهــد أنك ذبحته ... وحـــرمتني لــــــذتي فـــــــي النوم

أبتعد عني وذاك الحــب لعته ... وحـــــالف بالله عـن حبك لا أصوم

ياحسافة عــــــلى غرامٍ دفعته ... وياحسـرتي على الأماني والحلوم

مســـكين ياقلبٍ بغدرك طعنته ... ومرحـــــوم ياقــــلب والله مرحوم

خلاص حبك عـن قلبي رفعته ... وخــليت مكــــــانة بين ذيك الغيوم

ضـــرسي إذا أقلقــــني قلعته ... وشــــلون وأنت مقلقني دايم الدوم

هــــذا قصيدي جاك وسمعته ... وأنا عن مــــثلك وشرواك محشوم